Við erum Ferðamenn Íslands og við búum til ódýrar vefsíður fyrir ferðaþjónustuaðila sem eru samtvinnaðar við nýtt & öflugt leitar- og bókunarkerfi frá Bókun ehf. Þær keyra allar á opna hugbúnaðinum WordPress sem er ókeypis vefumsýslukerfi og losna viðskiptavinir þannig við að borga dýr mánaðargjöld. Viðskiptavinir senda okkur nauðsynlegt efni í gegnum Dropbox (eða tölvupóst), þar sem einnig er hægt að finna nákvæmar leiðbeiningar um hvaða efni er nauðsynlegt að hafa fyrir viðkomandi grunnútlit, bæði hvað varðar myndir og texta. Að þróa vef með þessu móti er oft fær leið fyrir marga án þess að þeir viti af því og er þannig hægt að sleppa við að fjárfesta í margfalt dýrari vefgerð þar sem að hanna/forrita þarf allt frá grunni.

Efnisvinnsla

Til að geta boðið vefsíðu á þetta lágu verði þá byggir það á því að viðskiptavinur vinni eins mikið sjálfur það efni sem vantar. Annars væri verðið með einu núlli í viðbót! Oft er mikið til af myndum og texta, það þarf bara að safna þessu saman eftir okkar forskrift og senda til okkar. Við leiðbeinum þér ef við teljum að það vanti meira eða betra efni.

Ferlið

Þegar þú hefur skoðað sýnishornin og pantað það sem hentar þínum rekstri, þá færðu aðgang að Dropbox (eða sendir í tölvupósti) þar sem hægt er að hlaða inn þeim myndum og texta sem vantar. Þegar allt efni er komið setjum við upp vefsíðuna.

Tæknin

Við notum eingöngu WordPress sem er ókeypis frjálst vefumsýslukerfi sem er í stöðugri þróun hjá þúsundum af vefforritum út um allan heim. Þannig náum við að halda verðinu mjög lágu. Inn í þetta kerfi höfum við síðan samtvinnað nýja leitar- og bókunarvél frá Bókun ehf. Nýir viðskiptavinir þurfa að skrá sig hjá þeim og hjálpum við með það.